అమరావతిలోని వైఎస్సార్ కాంగ్రెస్ పార్టీ కేంద్ర కార్యాలయంలో పార్టీ అధ్యక్షుడు వైఎస్ జగన్ మోహన్ రెడ్డి అధ్యక్షతన కీలక సమావేశం ప్రారంభమైంది. ఈ సమావేశానికి పార్టీ రీజనల్ కో ఆర్డినేటర్లు, జిల్లా అధ్యక్షులు, పార్లమెంట్ అబ్జర్వర్లు భారీగా హాజరయ్యారు.
ఈ సమావేశంలో పార్టీ బలోపేతంపై, గ్రామస్థాయిలో తిరిగి కార్యకర్తలను చురుకుగా మార్చే వ్యూహంపై చర్చ జరుగుతోంది. రాష్ట్రంలో కూటమి ప్రభుత్వ వైఫల్యాలు, అమలు కాని హామీలు, ప్రజల్లో పెరుగుతున్న అసంతృప్తి అంశాలపై విస్తృతంగా చర్చించనున్నట్లు సమాచారం.
ప్రాంతాల వారీగా పార్టీ స్థితిగతులపై రీజనల్ కో ఆర్డినేటర్లు నివేదికలు సమర్పించనున్నారు. జిల్లాల వారీగా పార్టీ శ్రేణుల్లో ఎదురవుతున్న సవాళ్లు, అంతర్గత సమస్యలపై కూడా సమీక్ష జరిగే అవకాశం ఉంది.
అలాగే రాబోయే స్థానిక సంస్థల ఎన్నికలు, బూత్ స్థాయి కమిటీల పునర్వ్యవస్థీకరణ, గ్రామ స్థాయి బలోపేత కార్యక్రమాలపై జగన్ సూచనలు ఇవ్వనున్నారని పార్టీ వర్గాలు చెబుతున్నాయి.
ఈ సమావేశం పార్టీ భవిష్యత్ వ్యూహరచనలో కీలక మలుపు కానుందని వైఎస్సార్‌సీపీ వర్గాలు భావిస్తున్నాయి.
