ప్రధానమంత్రి నేషనల్ డయాలసిస్ ప్రోగ్రాం కింద రాష్ట్రంలోని కిడ్నీ వ్యాధిగ్రస్తుల కోసం కొత్తగా 7 డయాలసిస్ కేంద్రాలు ఏర్పాటు చేస్తున్నట్లు వైద్య ఆరోగ్య శాఖ మంత్రి సత్యకుమార్ వెల్లడించారు. ఈ కేంద్రాలు పీపీపీ (Public Private Partnership) విధానంలో నిర్వహించబడనున్నాయని తెలిపారు.
🩺 కొత్తగా ఏర్పాటు కానున్న కేంద్రాలు:
- పార్వతీపురం మన్యం జిల్లా – సీతంపేట
- విజయనగరం జిల్లా – ఎస్.కోట
- పశ్చిమగోదావరి జిల్లా – భీమవరం
- బాపట్ల జిల్లా – అద్దంకి
- నంద్యాల జిల్లా – సున్నిపెంట
- చిత్తూరు జిల్లా – పీలేరు
- శ్రీపొట్టి శ్రీరాములు నెల్లూరు జిల్లా – వెంకటగిరి
ప్రతి కేంద్రంలో 5 రక్తశుద్ధి (డయాలసిస్) యంత్రాలు ఏర్పాటు చేయబడతాయని, ప్రతి కేంద్రానికి ఆర్వో ప్లాంట్ అనుబంధంగా ఉంటుందని మంత్రి వివరించారు. ఈ చర్యతో గ్రామీణ ప్రాంతాల కిడ్నీ బాధితులకు సులభంగా డయాలసిస్ సేవలు అందుబాటులోకి రానున్నాయని ఆయన పేర్కొన్నారు.
