ఆంధ్రప్రదేశ్‌లో ఎన్టీఆర్ వైద్య సేవల కింద ప్రైవేట్ ఆసుపత్రులు ఓపీ (OPD) సేవలను నిలిపివేశాయి. ఏపి స్పెషాలిటీ ఆసుపత్రుల అసోసియేషన్ (ASHA) ఈ నిర్ణయం తీసుకుంది. ప్రభుత్వంపై రూ.2,500 కోట్ల వరకు బకాయిలు ఉన్నాయని, పదేపదే విజ్ఞప్తి చేసినప్పటికీ చెల్లింపులు జరగకపోవడంతో ఆర్థికంగా ఇబ్బందులు పెరిగాయని ఆసుపత్రులు ఆరోపిస్తున్నాయి. మందులు, పరికరాల కొనుగోలు, సిబ్బంది జీతాల చెల్లింపులు వంటి వాటికి తీవ్ర సమస్యలు తలెత్తడంతో ఇకపై సేవలు కొనసాగించడం కష్టమని ప్రకటించాయి. అయితే అత్యవసర మరియు ఇన్‌పేషెంట్‌ సేవలను కొనసాగిస్తామని స్పష్టం చేశాయి. పేదల కోసం రూపొందించిన ఈ పథకం నిలిచిపోవడంతో సాధారణ ప్రజలకు పెద్ద ఇబ్బంది తలెత్తింది. ఒక వారంలో సమస్య పరిష్కరించాలని ప్రభుత్వానికి లేఖ రాసిన ఆసుపత్రుల అసోసియేషన్, వెంటనే బకాయిలు విడుదల చేయాలని డిమాండ్‌ చేసింది. ఇప్పుడు ప్రభుత్వం ఎలా స్పందిస్తుందనేది రాష్ట్ర ప్రజల దృష్టిని ఆకర్షిస్తోంది.