తీవ్ర వాయుగుండంగా మారిన ‘మోంథా’ తుఫాను మచిలీపట్నం – కాకినాడ మధ్య సెంట్రల్ ఆంధ్రప్రదేశ్ తీరాన్ని తాకే అవకాశం ఉందని వాతావరణ శాఖ హెచ్చరించింది.
ఈ తుఫాను ప్రభావంతో కృష్ణా–గోదావరి జిల్లాలు తీవ్ర నష్టానికి గురయ్యే అవకాశం ఉంది. తిరుపతి నుండి శ్రీకాకుళం వరకు తీరప్రాంతమంతా ఈదురుగాలులు, ఉరుములతో కూడిన వర్షాలు పడే అవకాశం ఉంది.
ప్రత్యేకంగా కృష్ణా, కోనసీమ, విజయవాడ–అమరావతి ప్రాంతాల్లో ప్రభావం ఎక్కువగా ఉండవచ్చని అధికారులు తెలిపారు.
వాతావరణ పరిస్థితులను గమనించి ప్రజలు అప్రమత్తంగా ఉండాలని, తీరప్రాంత గ్రామాల్లో అధికారులు ముందస్తు చర్యలు తీసుకోవాలని సూచించారు.
