ఏపీ మద్యం కుంభకోణం కేసులో ఎమ్మెల్యే చెవిరెడ్డి భాస్కరరెడ్డి కుమారుడు చెవిరెడ్డి మోహిత్‌రెడ్డికి హైకోర్టులో పెద్ద షాక్‌ తగిలింది. మోహిత్‌రెడ్డి దాఖలు చేసిన ముందస్తు బెయిల్‌ పిటిషన్‌ను హైకోర్టు కొట్టివేసింది.
మద్యం కుంభకోణంలో తనపై నమోదైన కేసులో అరెస్ట్‌ భయంతో ముందస్తు బెయిల్‌ కోరుతూ మోహిత్‌రెడ్డి హైకోర్టును ఆశ్రయించారు. అయితే ఈ దశలో బెయిల్‌ ఇవ్వడం సముచితం కాదని హైకోర్టు స్పష్టం చేసింది. దర్యాప్తు ఇంకా కొనసాగుతోందని, కీలక ఆధారాలు సేకరించాల్సి ఉందని కోర్టు పేర్కొంది.
ఈ తీర్పుతో మోహిత్‌రెడ్డికి ఇబ్బందులు మరింతగా పెరిగే అవకాశం ఉంది. ఇప్పటికే ఈ కుంభకోణం కేసులో పలువురు అధికారులు, వ్యాపారవేత్తలు విచారణకు హాజరైన విషయం తెలిసిందే.
