బీజేపీ రాష్ట్ర ఎన్నికల కమిటీ నేడు సమావేశం కానుంది. ఈ సమావేశంలో జూబ్లీహిల్స్‌ ఉపఎన్నిక అభ్యర్థి ఎంపికపై తుది నిర్ణయం తీసుకునే అవకాశం ఉందని పార్టీ వర్గాలు వెల్లడించాయి.
జూబ్లీహిల్స్‌ ఉపఎన్నిక రేసులో జూటూరు కార్తిరెడ్డి, వీరపనేని పద్మ, దీపక్‌ రెడ్డి పేర్లు పరిశీలనలో ఉన్నాయి. వీరిలో ఒక్కరిని పార్టీ హైకమాండ్‌ అభ్యర్థిగా ఖరారు చేసే అవకాశం ఉందని సమాచారం.
సమావేశంలో రాష్ట్ర అధ్యక్షుడు, ప్రధాన కార్యదర్శులు, ఎన్నికల ఇన్‌చార్జీలు పాల్గొననున్నారు. అభ్యర్థి ఎంపికతో పాటు ప్రచార వ్యూహం, బూత్‌ మేనేజ్‌మెంట్‌, మిత్రపక్షాలతో సమన్వయం వంటి అంశాలపై కూడా చర్చ జరగనుంది.
రేపు అధికారికంగా జూబ్లీహిల్స్‌ ఉపఎన్నిక అభ్యర్థిని ప్రకటించే అవకాశం ఉన్నట్లు పార్టీ వర్గాలు చెబుతున్నాయి. మరోవైపు, బిహార్‌ ఎన్నికల తర్వాతే బీజేపీ జాతీయ అధ్యక్షుడి ఎన్నిక జరుగనున్నట్లు కూడా పార్టీ నాయకులు సంకేతాలు ఇస్తున్నారు.
